Confucio bekak


Confucio Institutuaren bekak bi motatakoak dira: Txinera Txinan ikasteko bekak eta Udako kanpamenduko bekak.

UDAKO KANPAMENDUKO BEKAK

2016ko udako kanpamendua

Iaz Beijing-en eta Harbin-en izan ziren. Aurten Chengdun izan dira. 2015ean eta 2016an  YCT, HSK edo BCT txinerako azterketa ofizialetara aurkeztu diren, eta 14 eta 22 urte bitartean dituzten ikasleei zuzenduta egon dira. Kanpamenduaren barne hartzen dira txinerako prestakuntza-ikastaroak, eta kultura-jarduerak eta -bisitak. Aurten uztailaren 11etik 21ra egin dira.

Institutuko zazpi ikaslek beka hauen bitartez Txinara bidaiatzeko aukera izan dute. Horietako bat Paul izan da eta bideo hau prestatu du bizitako abenturak erakusteko:

Argazki-galeria

TXINAN TXINERA IKASTEKO BEKAK

Hizkuntza eta kultura txinatarrak ikasteko urte akademiko baterako beka

Beka hau txinera hizkuntzaren bikaintasuna lortu duten ikasleei, bertako txinera hizkuntzaren irakasleei, Txinarako Zubia lehiaketaren irabazleei, HSK azterketetan oso emaitza ona lortu duten txinera hizkuntzaren bikaintasuneko unibertsitateko graduatuei eta txinera irakasle izan nahi duten guztiei zuzenduta dago.

Bekaren irabazleek hizkuntza edo literatura txinatarreko, Txinako historiako edo filosofia txinatarreko ikasketen artean aukeratu behar dute.

Beka 2016ko udazkenean hasiko da, urte akademiko bat iraungo du eta, gainera, HSK (5. maila) eta HSKK (maila ertaina) azterketak prestatzeko balio du.

Beka hau eskatzeko HSKn (3. maila) gutxienez 180 puntu lortu behar dira, HSKKn (Oinarrizko maila) 60, BCTn (A) 180 eta BCTn (ahozko) beste 180 puntu.

Hizkuntza eta kultura txinatarrak ikasteko sei hilabete akademikoko beka

Beka hau txinera hizkuntzaren bikaintasuna lortu duten ikasleei, bertako txinera hizkuntzaren irakasleei, Txinarako Zubia lehiaketaren irabazleei, HSK azterketetan oso emaitza ona lortu duten txinera hizkuntzaren bikaintasuneko unibertsitateko graduatuei eta txinera irakasle izan nahi duten guztiei zuzenduta dago.

Bekaren irabazleek hizkuntza edo literatura txinatarreko, Txinako historiako edo filosofia txinatarreko ikasketen artean aukeratu behar dute.

Beka 2016eko udazkenean edo 2017ko udaberrian hasiko da, sei hilabete iraungo ditu eta, gainera, HSK (4. maila) eta HSKK (maila ertaina) azterketak prestatzeko balio du.

Beka hau eskatzeko HSKn (2. maila) gutxienez 120 puntu lortu behar dira, HSKKn (Oinarrizko maila) 40, BCTn (A) 100 eta BCTn (ahozko) 120 puntu.

Txinako hizkuntza eta kulturak ikasteko 4 asteko beka

Beka hau txineran bikaintasuna eskuratu duten ikasleei zuzendua dago. Beka 2016ko uztailean edo abuztuan hasten da eta 4 aste irauten ditu.

Eskatzaileek HSK edo BCT azterketa egin eta azterketa horren emaitza aurkeztu behar dute. Gainera, eskatzaileak ezin du Txinan ikasketak egin izanaren esperientziarik izan.

Hanban-ek zein unibertsitatera joan erabakiko du, eskatzaileek duten txinera mailaren arabera.

Txinera Atzerritarrei Irakasteko Masterra ikasteko beka (Master’s Degree in Teaching Chinese to Speakers of Other Languages – MTCSOL)

Beka hau txinera hizkuntzaren bikaintasuna lortu duten ikasleei, bertako txinera hizkuntzaren irakasleei, Txinarako Zubia lehiaketaren irabazleei eta HSK azterketetan oso emaitza ona lortu duten txinera hizkuntzaren bikaintasuneko unibertsitateko graduatuei zuzenduta dago.

Bekaren irabazleek Master horren ikasketak 2016ko udazkenean hasiko dituzte eta, guztira, bi urte akademikoko iraupena izango du.

Eskatzaileek Maila (Bachelor) edo baliokidea eduki behar dute, eta HSKn (5. maila) gutxienez 180 puntu, HSKKn (Maila ertaina) 50 edo BCTn (B) 180 eta BCTn (ahozkoa) 260.  Eskatzaileek, gainera, dokumentu bat sinatu beharko dute. Dokumentu horren bitartez, Master horretan graduatu ondoren, 5 urtez, gutxienez, txinera irakasten lan egitera konprometituko dira. Beka hau eskuratzeko lehentasuna izango dute irakaskuntza-lan hori egiteko jada hitzartuta duten lanpostu bat ziurtatzen duten dutenek.

Lehen urte akademikoa amaitu aurretik, bekadunek azterketa bat egingo dute euren txinera maila ebaluatzeko. Beka jasotzen jarraitzeko HSKn (6. maila)  gutxienez 180 puntu eta HSKKn (Maila ertaina) 70 puntu lortu beharko dituzte.  Hanban-ek emaitza bikainak dituzten graduatuei euren jaioterrira itzultzen eta irakasle gisa lana aurkitzen lagunduko die.

Baldintzak:

Beka horiek nazionalitate ez txinatarra eta osasun ona duten 16 eta 35 urte bitarteko herritarrei zuzenduta daude. Txinera irakasleek 45 urte baino gutxiago izan behar dituzte.

Informazio gehiago hemen